ખીલો

વર્ષ વીત્યાં, વાળ ધોળા, ઘાવ લીલો છે ખરો,
ભીંતમાં ઠોકેલ ફોટાનો ય ખીલો છે ખરો.

વૈદ, મંતર, ને દુઆઓ સૌ કરી જોયાં બધાં,
દર્દનો તો એ જ જૂનો રંગ પીળો છે ખરો.

ગાંઠ છોડી સાત ફેરાની, વરસ વીત્યાં છતાં,
આંગળીમાં એક રેશમ-તાર ઢીલો છે ખરો.

રાત આખી ઘાવને પંપાળતો હું જાગતો,
બાળ જેવો ઘાવ તોયે એ હઠીલો છે ખરો.

શબ્દ પીળાં પાંદડાં જેવા બધા ખરતા ગયા,
બાગ ગઝલોનો પરાગે આ છબીલો છે ખરો.

– પરાગ રતનપરા

#ગઝલ #ઘાવ #સ્મૃતિ #વિરહ #પીડા #પરાગરતનપરા
#GujaratiGhazal #OldWounds #Memories #Heartache #Healing #ParagRatanpara