ખભે લે છે

પ્રજા નામે ગધેડો છે, સદા ભારા ખભે લે છે,
ઉમેરો નિત્ય ટૅક્સોનો, નવા ધારા ખભે લે છે.

સભાઓમાં બધે બેસે, વધાવે, ને પછી ભૂખ્યા
ધજા-ઝંડા, બધાં સૂત્રો, ઘણા નારા ખભે લે છે.

ગલીમાં વીજળી ક્યાં? ને ઘરે ખાવા ય ક્યાં પૂરું?
ભણે છે દીવડે છોરો, સપન-તારા ખભે લે છે.

સવારે બેડલાં માથે, બપોરે ખેત ને ઢોરાં,
ઢળે સાંજે, ઘરે આવી, ફરી વારા ખભે લે છે.

ગધેડો ચોકમાં બોલ્યો: ‘અમે તો ઘાસ ચાવીએ,’
‘પરાગે’ ત્યાં હસી જોયું, વિના ચારા ખભે લે છે.

– પરાગ રતનપરા

#ગઝલ #વ્યંગ #આમઆદમી #કરવેરો #સંઘર્ષ #પરાગરતનપરા
#GujaratiGhazal #Satire #CommonMan #TaxBurden #Resilience #ParagRatanpara