ખાનદાની

દાન છાનું જે કરે, એ ખાનદાની જાણજો,
જે ગણાવે, એ ફકત ધનની ગુમાની જાણજો.

રોટલો આપી ગયો જે, એ છબી ના લઈ ગયો,
એ જ રોટીમાં ખુદાની પણ નિશાની જાણજો.

મા ગણે ના, ચૂકવે ના બાળ, તોયે ચાલતું,
એ જ તો ઋણની કથા સૌથી મજાની જાણજો.

કોણ વાવી ગ્યું હશે આ લીમડો રસ્તા ઉપર?
છાંયડામાં એ અજાણ્યાની જવાની જાણજો.

મધ ભરી ભમરા ગયા ને ફૂલથી ઊડ્યો ‘પરાગ’,
બીજ થઈ ઊગે ફરી જે, એ જ દાની જાણજો.

– પરાગ રતનપરા

#ગઝલ #દાન #ઋણ #ઉપકાર #માનવતા #પરાગરતનપરા
#GujaratiGhazal #SilentCharity #Gratitude #Kindness #Humanity #ParagRatanpara