કવિશ્રી

ગઝલમાં ગગનને ઉછાળે કવિશ્રી,
ઘરે ચા ફકત તો ઉકાળે કવિશ્રી.

સભામાં કહે શેર, ને આંખ ફરતી,
અને લેન્સને બસ નિહાળે કવિશ્રી.

મળે શાલ નાની ઇનામે જરા જો,
ચરણ એ પ્રમુખનાં પખાળે કવિશ્રી.

લખે ભૂખ, દુષ્કાળ, ખેડૂત પર, ને
પછી હોટલોને ઉજાળે કવિશ્રી.

પરાગે અરીસો બતાવ્યો સભાને,
તરત ક્રોધથી એ પ્રજાળે કવિશ્રી.

– પરાગ રતનપરા

#ગઝલ #વ્યંગ #કવિસંમેલન #દંભ #સાહિત્યજગત #પરાગરતનપરા
#GujaratiGhazal #PoetSatire #LiteraryHypocrisy #AwardCulture #Humour #ParagRatanpara