ઝાકળે

ફૂલ ખીલ્યું, ને સવારે રોજ ન્હાયું ઝાકળે,
ઘાસનાં તરણાં ઉપર તો ગીત ગાયું ઝાકળે.

એક ચકલી ઊડતી આવી, તરસથી હાંફતી,
પાંદડે ટીપું ધરીને નીર પાયું ઝાકળે.

રાતભર જે ધૂળમાં ને ધૂમમાં મેલું હતું,
એ નગરમાં શાંત સપનું ત્યાં છવાયું ઝાકળે.

ધુમ્મસી બારી ઉપર મેં નામ તારું ખોળતો,
આંગળીથી કાચ પર તો ત્યાં લખાયું ઝાકળે.

આ પરાગે એ જ જોયું: કોઈ નાનું ક્યાં હતું?
આભ આખું એક ટીપામાં સમાયું ઝાકળે.

– પરાગ રતનપરા

#ગઝલ #ઝાકળ #સવાર #પ્રકૃતિ #પ્રેમ #પરાગરતનપરા
#GujaratiGhazal #Dewdrops #Morning #Nature #Love #ParagRatanpara