જડે છે

ઘણું સાફસૂફી બહાને જડે છે,
અમારું જ બચપણ ખજાને જડે છે.

પિતાની છડી, ઢોલિયો ને કિતાબો,
હજી એ જ જૂના મકાને જડે છે.

છબી એક સોળે વરસની હજી છે,
અમે બેઉ જૂના જમાને જડે છે.

સદા બા જપંતી હતી એક માળા,
હજી તોય એના બિછાને જડે છે.

‘પરાગે’ જગતમાં સ્વયંને જ શોધ્યો,
હજી એક લોરી-તરાને જડે છે.

– પરાગ રતનપરા

#ગઝલ #દિવાળીસફાઈ #સ્મરણ #પિતા #બા #પરાગરતનપરા
#GujaratiGhazal #DiwaliCleaning #Keepsakes #Father #Grandmother #ParagRatanpara