જાગતાં

આંખમાં સપનું હતું, ને રાત આખી જાગતાં,
દીવડો પણ ઓલવાયો, જ્યોત ઝાંખી જાગતાં.

આંખ લખતી’તી ગલેફે એક કાગળ રાતભર,
ને સવારે ભીંતને મેં વાત ભાખી જાગતાં.

ચાંદ પણ થાકી ગયો, ને પશ્ચિમે ઢળતો ગયો,
મેં તમારા નામની બસ ખાંડ ચાખી જાગતાં.

ચોકિયાતે સાદ પાડ્યો: ‘જાગજો!’ આખી ગલી,
પાંપણોએ એ જ સૂરે સાખ રાખી જાગતાં.

રાતરાણી મ્હેકતી’તી, ને ‘પરાગે’ પ્રેમથી
મ્હેક કાગળમાં ઉતારી, જાત નાખી જાગતાં.

– પરાગ રતનપરા

#ગઝલ #ઉજાગરો #પ્રતીક્ષા #વિરહ #રાત #પરાગરતનપરા
#GujaratiGhazal #SleeplessNights #Waiting #Longing #Insomnia #ParagRatanpara