ઇમારત

ઉપરથી ચળકતી ઇમારત હતી,
તળે ખોખલી સૌ ઇબારત હતી.

હતા હાથ જોડેલ મંદિર મહીં,
નજરમાં ભરેલી તિજારત હતી.

‘ગરીબી હટાવો’ લખાયું હતું,
ગરીબો ગયા, એ ઇશારત હતી.

સભામાં હતી સત્યની ગર્જના,
અને પીઠ પાછળ શરારત હતી.

પરાગે ધરી ફૂલ થોડાં ભલે,
હૃદયમાં ખરી તો હરારત હતી.

– પરાગ રતનપરા

#ગઝલ #દંભ #વ્યંગ #સમાજ #સચ્ચાઈ #પરાગરતનપરા
#GujaratiGhazal #Hypocrisy #SocialSatire #HollowFacades #Sincerity #ParagRatanpara