હું કોણ છું?

રોજ જોઉં આયનો, પણ દર્પણે હું કોણ છું?
આંખ ખોલું, આંખ મીંચું, પાંપણે હું કોણ છું?

નામ તકતી પર લખાવ્યું, તોય ઊભો ગૂંચમાં,
કોણ છે તકતી મહીં, ને બારણે હું કોણ છું?

બાળપણ જ્યાં ખેલતું, ત્યાં વૃદ્ધ થઈ પાછો ફરું,
ઓળખે ના ઝાડ પણ, આ આંગણે હું કોણ છું?

દિનભરે મ્હોરું ધરીને હું ફરું બાજારમાં,
રાતના એકાંત મધ્યે ચાંદણે હું કોણ છું?

આ પરાગે પ્રશ્ન કીધો: મ્હેક છું કે ધૂળ છું?
રાખ થઈ પૂછીશ અંતે: તાપણે હું કોણ છું?

– પરાગ રતનપરા

#ગઝલ #આત્મખોજ #હુંકોણછું #અધ્યાત્મ #ઓળખ #પરાગરતનપરા
#GujaratiGhazal #WhoAmI #SelfInquiry #Spirituality #Identity #ParagRatanpara