હું બનું

ઝાડ પર કોમળું પાંદડું હું બનું,
ગામને છેડલે ઝૂંપડું હું બનું.

રોશની મ્હેલની ના મને જોઈએ,
માતના ચૂલમાં લાકડું હું બનું.

ના બનું બંગલો, ના બનું ટાવરો,
ગાર-માટી તણું ખોરડું હું બનું.

રાતના ઠારમાં ધ્રૂજતું બાળ જો,
હૂંફનું એક બસ કાપડું હું બનું.

આ પરાગે ન મોટા થવું છે કદી,
રાહ પર ઝૂલતું ફૂલડું હું બનું.

– પરાગ રતનપરા

#ગઝલ #નમ્રતા #સાદગી #ગામ #સેવા #પરાગરતનપરા
#GujaratiGhazal #Humility #SimpleLife #Village #Service #ParagRatanpara