હરિ ક્યાં વસે

ના ગુફામાં, ના શિખરમાં, એ દુખી જનમાં વસે,
જે પરાયાં આંસુ લૂછે, એ જ હરિ-મનમાં વસે.

સંત બોલ્યા: ‘ઘર તજી દે, તો જ હરિ દર્શન મળે,’
મા કહે: ‘ઘરમાં જ છે, એ ક્યાં કદી વનમાં વસે?’

ફૂટપાથે ઠારમાં બાળક ઉઘાડું જો મળે,
ધાબળો ઓઢાડ, હરિ એ ધ્રૂજતા તનમાં વસે.

દાનપેટી પર લખાવ્યું નામ તેં, પણ યાદ રાખ,
રોટલીના એક કટકે, ના કદી ધનમાં વસે.

ખેતરે જઈને ‘પરાગે’ દૃશ્ય આ જોયું હતું,
ભીંજતો ખેડૂ હસે: ‘મારો ધણી ઘનમાં વસે.’

– પરાગ રતનપરા

#ગઝલ #હરિ #ભક્તિ #માનવતા #કરુણા #પરાગરતનપરા
#GujaratiGhazal #GodInPeople #Devotion #Compassion #Humanity #ParagRatanpara