હા કે ના

એક નાના શબ્દ પર મેં જિંદગી રાખી હતી,
‘હા’ અને ‘ના’ની વચાળે આ સદી રાખી હતી.

તેં હસીને ‘ના’ કહી, ને મેં ય માની ‘હા’ સમી,
એ જ ભ્રમણામાં ખુશીની પાંખડી રાખી હતી.

ફૂલની પત્તી ખરી ગઈ ‘હા’ અને ‘ના’ પૂછતાં,
તોય મેં તો ડાળ પર બસ એ કળી રાખી હતી.

દાવ પર મૂક્યું હૃદય મેં, તેં ન ખોલ્યો હાથ, ને
જીતની આશા મહીં મેં એ ઘડી રાખી હતી.

જે ઘડી ‘હા’ સાંભળી, તે સાંજ ઊગ્યો ચાંદ, ને
આ પરાગે આંખમાં ભીની નદી રાખી હતી.

– પરાગ રતનપરા

#ગઝલ #પ્રેમ #હાકેના #પ્રતીક્ષા #પ્રણય #પરાગરતનપરા
#GujaratiGhazal #YesOrNo #LoveGamble #Waiting #Romance #ParagRatanpara