ઘડી બે ઘડી

જગત એક મેળો ઘડી બે ઘડી,
બધો સાથ ભેળો ઘડી બે ઘડી.

અમે શ્વાસને માનતા’તા અમર,
હવાનો જ રેલો ઘડી બે ઘડી.

સદા બોજ લઈ દોડતો તું ફરે,
ઉપાડે જ ઠેલો ઘડી બે ઘડી.

જવાની, નશો, પ્રીતની ઘેલછા,
હતો જીવ ઘેલો ઘડી બે ઘડી.

‘પરાગે’ પવન સાથ ઊડી કહે:
હસે ફૂલ-વેલો ઘડી બે ઘડી.

– પરાગ રતનપરા

#ગઝલ #ક્ષણભંગુર #જીવન #મેળો #વૈરાગ્ય #પરાગરતનપરા
#GujaratiGhazal #Transience #LifeIsAFair #FleetingMoments #Detachment #ParagRatanpara