ગઝલ થઈ

હતી વાત મારી, તમારી ગઝલ થઈ,
ઘડી પણ ન ઊંઘ્યો, પથારી ગઝલ થઈ.

ગલીમાં રમી, ને વળી ગઈ વિદેશે,
હતી ઢીંગલી, એ બિચારી ગઝલ થઈ.

ગળે જે મળે ને છુપાવે છરી, એ
સગાની જ મીઠી કટારી ગઝલ થઈ.

ન આવ્યા તમે, સાંજ ઢળતી રહી, ને
પ્રતીક્ષા ભરેલી અટારી ગઝલ થઈ.

પરાગે લખી ના, પવન લઈ ગયો જે,
હવાની ય મ્હેકી સવારી ગઝલ થઈ.

– પરાગ રતનપરા

#ગઝલ #ગઝલનોજન્મ #પ્રતીક્ષા #દીકરી #વિરહ #પરાગરતનપરા
#GujaratiGhazal #BirthOfAGhazal #Waiting #Daughter #Longing #ParagRatanpara