એ દિવસ

ઓસરી, ઝૂલો, લખોટી, ને મજાના એ દિવસ,
હાથ પકડી બાપનો ઘૂમ્યા, ખજાના એ દિવસ.

ચોપડીમાં રાખતા’તા પત્ર, ને મળવા જતા,
રોજ શોધી કાઢતા સો સો બહાના, એ દિવસ.

રેડિયો ફરતે બધા બેસી જતા’તા રાતના,
ઝૂમતા સૌ, ગાજતા મીઠા તરાના, એ દિવસ.

આજ ઘરમાં સૌ જુદા, સૌ ફોનમાં ડૂબી ગયા,
એક થાળી, એક છત ને શું જમાના એ દિવસ!

ફૂલ ને ફોરમ સરીખા, એ પરાગે માણિયા,
આંખ ભીંજે, યાદ આવે, ને દિવાના એ દિવસ.

– પરાગ રતનપરા

#ગઝલ #જૂનાદિવસો #બાળપણ #સ્મૃતિ #પરિવાર #પરાગરતનપરા
#GujaratiGhazal #GoodOldDays #Nostalgia #Childhood #FamilyTime #ParagRatanpara