ઢળે

હૃદય છે છલોછલ, પિયાલે ઢળે,
ગુલાબી બની એ ગુલાલે ઢળે.

ન બોલું કશું, બસ નજર જ્યાં મળે,
બધું દિલ તમારા સવાલે ઢળે.

હતો બાપ ઘરનો અડગ થાંભલો,
હવે હાર થઈ એ દિવાલે ઢળે.

વિદાયે ન બોલી શકી એ કશું,
બધી વાત એના રુમાલે ઢળે.

પરાગે ગઝલ જ્યાં ધરી હાથમાં,
સભા સૌ પ્રથમ એ વહાલે ઢળે.

– પરાગ રતનપરા

#ગઝલ #પ્રેમ #લાગણી #વિદાય #પિતા #પરાગરતનપરા
#GujaratiGhazal #OverflowingHeart #Love #Farewell #Father #ParagRatanpara