ધડાકા બાદ

હતી જ્યાં ભીડ, ત્યાં સૂનું, હવે તાળું ધડાકા બાદ,
હતું ભૂરું ગગન તે થઈ ગયું કાળું ધડાકા બાદ.

હતો જ્યાં લીમડો, ચકલી સવારે ગીત ગાતી’તી,
ગયાં પંખી, ગયો ટહુકો, રહે માળું ધડાકા બાદ.

ખબર કોને? હતું કોનું, ઢળેલું રક્ત ચોકે જે,
બને છે લાલ રસ્તાનું બધું નાળું ધડાકા બાદ.

હતા ગરબા, હતી તાળી, અને ઢોલે હતો ઠમકો,
હવે ગાવું ય શું? બસ હું નયન ઢાળું ધડાકા બાદ.

નથી બદલો, નથી નફરત, પરાગે એટલું શીખ્યું,
ચલો, હું તો અમાસે આ શમા બાળું ધડાકા બાદ.

– પરાગ રતનપરા

#ગઝલ #આતંક #ધડાકો #શાંતિ #માનવતા #પરાગરતનપરા
#GujaratiGhazal #AfterTheBlast #Terror #Peace #Humanity #ParagRatanpara