દર્દ છે

આંખમાં ના જોઈ શકશો, એક છાનું દર્દ છે,
પાંદડું ખરતાં ન બોલે, સાવ નાનું દર્દ છે.

ડાયરીમાં એક ખૂણો છે વળેલો આજ પણ,
નામ તારું ત્યાં લખેલું, એ જ પાનું દર્દ છે.

રોજ ‘સારું છે’ કહું છું ફોન પર માને, છતાં
એ ‘મજામાં’ શબ્દ પાછળ જે બહાનું, દર્દ છે.

બાપુનાં ચશ્માં હજી ત્યાં, લાકડી પણ ત્યાં જ છે,
જે કબાટે બંધ છે, એ એક ખાનું દર્દ છે.

ફૂલ તો હસતું સદા, ને મૌન ઊડે છે ‘પરાગ’,
એ જ ખુશ્બૂમાં વહે છે, જે જમાનું દર્દ છે.

– પરાગ રતનપરા

#ગઝલ #દર્દ #સ્મરણ #પિતા #મૌનવેદના #પરાગરતનપરા
#GujaratiGhazal #HiddenPain #Memories #MissingFather #SilentGrief #ParagRatanpara