ડાયરામાં

જમાવી ગયા છે મજા ડાયરામાં,
ફરકતી ગઝલની ધજા ડાયરામાં.

ભજન કોઈ ગાયે, દુહો કો' ઉપાડે,
નથી મૌનને પણ સજા ડાયરામાં.

અમીરો-ગરીબો સમોવડ બિરાજે,
બને છે નૃપો પણ પ્રજા ડાયરામાં.

નશો છે કસુંબલ, ભુલાયા ગમો સૌ,
મળે છે ફિકરને રજા ડાયરામાં.

પરાગી ગઝલ સાંભળી મોત પોતે,
વિસારી ગયું નિજ કજા ડાયરામાં.

– પરાગ રતનપરા

#ગઝલ #ડાયરો #લોકસંસ્કૃતિ #કાઠિયાવાડ #મ્હેફિલ #પરાગરતનપરા
#GujaratiGhazal #Dayro #FolkCulture #Kathiyawad #Gathering #ParagRatanpara