ચોપડે

સૌ હિસાબો ચૂકતે, પણ એક બાકી ચોપડે,
બાપની ભીની નજરને એમ ઢાંકી ચોપડે.

દીકરીના લગ્નનું દેવું હજી પણ ચાલતું,
વ્યાજના આંકે હજી મા રોજ તાકી ચોપડે.

ટેક્સવાળો પૂછતો: ‘ક્યાં છે કમાણીનો હિસાબ?’
મેં બતાવ્યા શેર ને બે જામ, સાકી, ચોપડે!

આખરી પાને પિતાના હાથથી લખ્યું હતું,
એક આશીર્વાદ, સૌ માટે જ આંકી ચોપડે.

આ ‘પરાગે’ જિંદગીભર ગણતરી કીધી ઘણી,
તોય સરવાળે પડી’તી રેખ વાંકી ચોપડે.

– પરાગ રતનપરા

#ગઝલ #હિસાબ #પિતા #જીવન #સરવાળો #પરાગરતનપરા
#GujaratiGhazal #LedgerOfLife #Father #Debts #LifesAccount #ParagRatanpara