છાંયડો

ધોમ તડકે શિર ઉપર છે એક માનો છાંયડો,
સાવ ઝીણો, સાવ મીઠો, તોય છાનો છાંયડો.

બાળપણમાં આંગણે મેં લીમડો રોપ્યો હતો,
આજ પૌત્રોને ય આપે એક દાનો છાંયડો.

તાપમાં તપતા પિતા, ને ખેતરે વરસો ગયાં,
એટલે ઘરમાં હતો સૌને મજાનો છાંયડો.

આજ પણ જમના તટે, પેલા કદંબે ડાળ પર,
શ્યામ થઈને ઝૂલતો ત્યાં એક કાનો છાંયડો.

આ પરાગે શબ્દ વાવ્યા, ને પછી ઊગી ગઝલ,
વાંચનારાને મળે, આ એક નાનો છાંયડો.

– પરાગ રતનપરા

#ગઝલ #છાંયડો #મા #પિતા #પરંપરા #પરાગરતનપરા
#GujaratiGhazal #Shade #ParentsLove #Legacy #Shelter #ParagRatanpara