ચાલ તું

ના કરી અટકળો, લઈ કદમ ચાલ તું,
છોડ અવઢવ બધી, તજ ભરમ ચાલ તું.

પાંદડાં પર લખે ઝાકળો પણ ગઝલ,
તું ય લઈ હાથમાં આ કલમ ચાલ તું.

લોક શું બોલશે, એ ફિકર છોડ ને,
મૂક નેવે બધી આ શરમ ચાલ તું.

ના નદી પૂછતી, ક્યાં જવું, ક્યાં નહીં,
નીર જેવો જ લઈને ધરમ ચાલ તું.

ફૂલને આ પરાગે કહી વાત કે,
વાયરે મ્હેક થઈ આ જનમ ચાલ તું.

– પરાગ રતનપરા

#ગઝલ #પુરુષાર્થ #હિંમત #કર્મ #પ્રેરણા #પરાગરતનપરા
#GujaratiGhazal #TakeAction #Courage #KeepMoving #Inspiration #ParagRatanpara