ચાલ, ઊભો થા

ગયો તૂટી ભલે રાતે, સવારે ચાલ, ઊભો થા,
ઢળીને સૂર્ય ઊગે છે, ઇશારે ચાલ, ઊભો થા.

પડે ઠોકર, હસી લેજે, પગો શીખે, થયું સારું,
નથી સાથી? ભલે, ખુદના સહારે ચાલ, ઊભો થા.

ગયો આ પાક પાણીમાં, ફરી બી વાવ, ખેડૂતો,
સુણી મેઘો, ધરાના એ પુકારે ચાલ, ઊભો થા.

પરીક્ષામાં થયો નાપાસ, તો શું? જિંદગી બાકી,
નવી આશા, નવાં સ્વપ્નો, વિચારે ચાલ, ઊભો થા.

પડે છે પાંદડાં, તો યે ફરી ફૂટે નવાં પર્ણો,
પરાગે સાથ દીધો છે, બહારે ચાલ, ઊભો થા.

– પરાગ રતનપરા

#ગઝલ #પ્રેરણા #હિંમત #આશા #સંઘર્ષ #પરાગરતનપરા
#GujaratiGhazal #RiseAgain #Motivation #NeverGiveUp #Resilience #ParagRatanpara