ચૅનલ પર

આઠ વાગે રોજ ઝઘડે સૌ અવાજો ચૅનલ પર,
દેશ ઊંઘે, ને ઉકળતા સૌ મિજાજો ચૅનલ પર.

‘દેશ જાણે છે’ કહીને એકલો એ બોલતો,
ને જવાબો મ્યૂટ કરવાના રિવાજો ચૅનલ પર.

ભૂખની, બેકારની, ક્યાં કોઈને ચિંતા અહીં,
તારલાને છીંક આવી, તો ઇલાજો ચૅનલ પર.

જ્યોતિષી, ક્રીમો, દવાઓ, ને ચમત્કારો બધા,
વેચતા લાગ્યા હવે આખા સમાજો ચૅનલ પર.

બંધ ટીવી કર, પરાગે બારણું ખોલ્યું, અને
ઝાડ પર ટહુકા હતા, ને એ જ તાજો ચૅનલ પર.

– પરાગ રતનપરા

#ગઝલ #વ્યંગ #ટીવીડિબેટ #મીડિયા #સમાચાર #પરાગરતનપરા
#GujaratiGhazal #Satire #TVDebates #MediaCircus #PrimeTimeNoise #ParagRatanpara