ભોગવાયા અમે

ભોગ માણી જ ક્યાં? ભોગવાયા અમે,
આયનાથી ય પણ છેતરાયા અમે.

નામ મોટું થયું, કામ ભૂલાઈ ગ્યું,
માત્ર ખુરશી વડે ઓળખાયા અમે.

એ તિજોરી ભરી, એ જ તાળાં થયાં,
ને પછી કેદમાં સંઘરાયા અમે.

સ્વાદની પાછળે જીભ દોડ્યા કરી,
મૂળ ભૂખે જ ત્યાં ભૂલવાયા અમે.

ફૂલ ચૂંટી, પરાગે સજાવ્યા ઘરો,
બાગમાંથી જ તો વેતરાયા અમે.

– પરાગ રતનપરા

#ગઝલ #વૈરાગ્ય #ભોગ #માયા #આત્મચિંતન #પરાગરતનપરા
#GujaratiGhazal #Detachment #Materialism #Illusion #SelfReflection #ParagRatanpara