ભીંત પર

બાપુનો ફોટો ગયો ને સ્થાન ખાલી ભીંત પર,
કંકુના થાપા હજી છે, સાંજ-લાલી ભીંત પર.

બાળપણમાં ચોકથી દોર્યું હતું મેં ઝાડ જે,
ઘર ગયું, પણ ઝૂલતી ત્યાં એક ડાળી ભીંત પર.

ગામ જઈ વર્ષો પછી મેં સાદ દીધો બારણે,
ને જવાબે બા નહીં, બસ એક તાળી ભીંત પર.

એક ખીંટી પર હજી એ પાઘડી લટકી રહી,
કોઈ આવી જાય એવી રાહ પાળી ભીંત પર.

આ પરાગે શબ્દ ગૂંથ્યા, જેમ તડકો ચીતરે
ઓરડે ઊંઘી ગયેલી કોઈ જાળી ભીંત પર.

– પરાગ રતનપરા

#ગઝલ #ભીંત #સ્મૃતિ #જૂનુંઘર #પિતા #પરાગરતનપરા
#GujaratiGhazal #WallsRemember #AncestralHome #Memories #Nostalgia #ParagRatanpara