ભણકારા

ડેલીએ ખખડે સાંકળ ને મા દોડી જાય રે,
ફોજી દીકરો આવ્યો હશે, એમ ભણકારા થાય રે.

કાગળ આવ્યો'તો ગયે મહિને: ‘મા, દિવાળીએ આવું,’
માએ ઘી-ગોળ સાચવી રાખ્યાં, ‘લાડુ એને ભાવું’;
પવન ખખડાવે બારણું, ને માની આંખ ભરાય રે…
ડેલીએ ખખડે સાંકળ…

ગામને પાદર ધૂળ ઊડે તો લાગે, જીપ આવી,
ટપાલીની સાઇકલ ટનકે, તો લાગે, ખબર લાવી;
બાપુ ચૂપચાપ હુક્કો પીએ, ને ધુમાડે ઓગળી જાય રે…
ડેલીએ ખખડે સાંકળ…

પરાગ કહે: સરહદ પર ઊભો દીકરો, ઘરમાં મા ઊભી,
બેઉની વચ્ચે ભણકારાની એક અદીઠી ડૂબી;
દેશના દીવા બળે છે, એમાં માનું તેલ પુરાય રે…
ડેલીએ ખખડે સાંકળ…

– પરાગ રતનપરા