અંદર

ઉપર ફૂલ ઉત્સવ, રડે લાશ અંદર,
ધુમાડો ધુમાડો જ આકાશ અંદર.

ઉપર ચાંદની જેમ ઝગતી સપાટી,
તળે ઝેર, કાદવ, ન ભીનાશ અંદર.

જગતભર ફરી દીપ લઈ હાથમાં, પણ
નયન બંધ કરતાં જ અજવાશ અંદર.

ગળે હાર ફૂલો તણો, શાલ ખભ્ભે,
અને રોજ ભીંસે નવો પાશ અંદર.

પરાગે ભ્રમર થઈ સુગંધી જ શોધી,
હતો ફૂલ જેવો જ અવકાશ અંદર.

– પરાગ રતનપરા

#ગઝલ #અંતર્મન #દંભ #આત્મખોજ #અંતરદીપ #પરાગરતનપરા
#GujaratiGhazal #InnerSelf #Hypocrisy #SelfDiscovery #InnerLight #ParagRatanpara