અમસ્તું

ન કારણ હતું, ને રડાયું અમસ્તું,
ઘડીભર પછી ત્યાં હસાયું અમસ્તું.

ન ચિઠ્ઠી, ન સંદેશ, ના કો’ ખબર પણ,
છતાં નામ તારું લખાયું અમસ્તું.

હતી સાંજ, પંખી, પુરાણું જ ગાણું,
પછી હોઠથી એ ગવાયું અમસ્તું.

ઘણી યોજના, ને ઘણા યત્ન કીધા,
પછી એક પળમાં જિવાયું અમસ્તું.

પરાગે ન પૂછ્યું ગઝલને કદી કંઈ,
બધું એમ એમાં સમાયું અમસ્તું.

– પરાગ રતનપરા

#ગઝલ #અમસ્તું #લાગણી #સહજતા #પ્રેમ #પરાગરતનપરા
#GujaratiGhazal #ForNoReason #Spontaneity #Emotions #SimpleJoys #ParagRatanpara