અમસ્તાં

ઢળી સાંજ, નયનો ભરાયાં અમસ્તાં,
હસીને બધાં ત્યાં સુકાયાં અમસ્તાં.

ન ઝઘડો, ન મેણું, ન કો વાત અઘરી,
છતાં ડૂસકાં તો દબાયાં અમસ્તાં.

ઉછેર્યાં જતનથી હૃદયમાં બધાં જે,
થયાં એ જ આજે પરાયાં અમસ્તાં.

રસોડે હતી ડુંગળી કાપતી મા,
કહે: ‘ડુંગળી છે’, છુપાયાં અમસ્તાં.

પરાગે ગઝલમાં સજાવી કથાઓ,
છતાં અર્થ સઘળા ભુલાયાં અમસ્તાં.

– પરાગ રતનપરા

#ગઝલ #આંસુ #અકારણવેદના #મા #મૌન #પરાગરતનપરા
#GujaratiGhazal #TearsWithoutReason #QuietSorrow #Mother #UnspokenPain #ParagRatanpara