અચાનક

કદી આંખમાં સ્વપ્ન આવે અચાનક,
પરોઢે ઘડી એ જગાવે અચાનક.

ભલે રોજનો એક સીધો જ રસ્તો,
વળાંકે જ ઠોકર લગાવે અચાનક.

હતો શોક ભારે, હતાં આંસુ આંખે,
ઘરે બાળ નાનું હસાવે અચાનક.

વિદેશે ગયો દીકરો છે વરસથી,
છબી તો ય માને રડાવે અચાનક.

પરાગે ગણી ડાળ સૂકી, છતાં ત્યાં
વસંતી પવન ફૂલ લાવે અચાનક.

– પરાગ રતનપરા

#ગઝલ #જીવન #અણધાર્યું #આશા #વસંત #પરાગરતનપરા
#GujaratiGhazal #LifesSurprises #Uncertainty #Hope #SuddenSpring #ParagRatanpara