આવશે

કોણ જાણે મોત કઈ ક્ષણ, કઈ સવારે આવશે,
સાંજના કે રાતના, કે કો’ કિનારે આવશે.

થઈ ગયો તૈયાર, બાંધી પોટલી બેઠો અહીં,
ચાલશું, જ્યારે મરણ બસ એ ઇશારે આવશે.

ના જુએ એ ઝૂંપડી કે ના જુએ ઊંચા મકાન,
રાય-રંકે એક સરખું, એ જ દ્વારે આવશે.

ભાર સૌનો જે ઉપાડી ચાલતો’તો જિંદગી,
ચાર જણના એ ખભાના તો સહારે આવશે.

દેહ ખરશે ડાળથી, પણ મ્હેક ઊડી, ઓ ‘પરાગ’,
દૂર ઊંચા આભના એ, કો’ સિતારે આવશે.

– પરાગ રતનપરા

#ગઝલ #મૃત્યુ #જીવનદર્શન #અંતિમયાત્રા #અધ્યાત્મ #પરાગરતનપરા
#GujaratiGhazal #Death #Mortality #LastJourney #Spirituality #ParagRatanpara