આજમાં

કાલ તો સ્વપ્ન છે, જી ભરી આજમાં,
ફૂલ ખીલ્યું, હસી લે ફરી આજમાં.

કાલની ફિકરમાં રાત જાગ્યો ઘણી,
બેસ, ચા પી, શ્વસી લે જરી આજમાં.

બાળ રમતું રહે ધૂળમાં જેમ, બસ
એમ રમ, ધૂળ ખોબે ભરી આજમાં.

કાલ દરિયો, ન જાણું કિનારો કયો,
નાવ લઈ આ ક્ષણોની, તરી આજમાં.

ફૂલ કાલે ખરી જાય, તો શું થયું?
મ્હેક સઘળી પરાગે ધરી આજમાં.

– પરાગ રતનપરા

#ગઝલ #આજ #વર્તમાન #ખુશી #જીવનદર્શન #પરાગરતનપરા
#GujaratiGhazal #LiveInTheMoment #Present #Joy #Mindfulness #ParagRatanpara