આ સમય

ગોદમાં લઈ બાળને, હળવે રમાડે આ સમય,
ને યુવાનીમાં સપન આપી જગાડે આ સમય.

આભને આંબી અમે માન્યું, બધું આ હાથમાં,
એક ઝટકે એ જ શિખરેથી પછાડે આ સમય.

ચૂપ થઈ લોરી, અને આ ઓસરી સૂની પડી,
છેવટે ઠંડી ચિતા પર પણ સુવાડે આ સમય.

સિક્સ-પેકે શોભતા'તા, ને જુવાની'તી ભલી,
આજ ફાંદો જોઈ લાગે, સૌ બગાડે આ સમય.

આ પરાગે જોઈ લીધું, ફૂલ પ્હેલાં ખીલવે,
એ જ હાથે મૂળમાંથી પણ ઉખાડે આ સમય.

– પરાગ રતનપરા

#ગઝલ #સમય #જીવનચક્ર #ઉંમર #નિયતિ #પરાગરતનપરા
#GujaratiGhazal #Time #CycleOfLife #Ageing #Destiny #ParagRatanpara